തൃശൂര്: കേന്ദ്രവും സംസ്ഥാനവും ചേര്ന്ന് പൂരത്തിന്റെ ശോഭ കെടുത്തിയെന്ന് തൃശൂര് ലോക്സഭാ മണ്ഡലത്തിലെ യുഡിഎഫ് സ്ഥാനാര്ത്ഥി കെ. മുരളീധരന്. കുടമാറ്റം വരെ ഭംഗിയായി നടന്ന തൃശൂര് പൂരം പൊലീസിന്റെ ധിക്കാരപരമായ സമീപനത്തെത്തുടര്ന്നാണ് നിര്ത്തി വെക്കേണ്ടിവന്നതെന്ന് മുരളീധരന് പറഞ്ഞു.
രാത്രി നടക്കേണ്ടിയിരുന്ന തൃശൂര് പൂരം വെടിക്കെട്ട് നിര്ത്തി വയ്ക്കുകയും, പിന്നീട് രാവിലെ നടത്തേണ്ടി വരുകയും ചെയ്ത പശ്ചാത്തലത്തിലാണ് മുരളീധരന് പൊലീസിനും സര്ക്കാരിനുമെതിരെ രൂക്ഷ വിമര്ശനം ഉന്നയിച്ചത്. പൊലീസിന്റേത് ഏകാധിപത്യ പ്രവണതയാണെന്നും പൊലീസിനെ നിയന്ത്രിക്കാന് ജില്ലാ ഭരണകൂടവും സംസ്ഥാന ഭരണകൂടവും ഇല്ലേയെന്നും മുരളീധരന് ചോദിച്ചു. പതിനൊന്ന് മണിക്ക് തുടങ്ങിയ അനിശ്ചിതത്വം പരിഹരിച്ചത് കാലത്ത് ആറ് മണിക്കാണ്. ഇത്രയും സമയം മന്ത്രി എന്ത് ചെയ്തുവെന്നും മുരളീധരന് ചോദിച്ചു.
0 Comments