മഴ മുന്നറിയിപ്പില് മാറ്റം; മൂന്ന് ജില്ലകളിലെ റെഡ് അലേര്ട്ട് പിന്വലിച്ചു. വിനോദ സഞ്ചാര കേന്ദ്രങ്ങൾ തുറന്നു.
തിരു.: സംസ്ഥാനത്തെ മഴ മുന്നറിയിപ്പില് മാറ്റം. മൂന്ന് ജില്ലകളിലെ റെഡ് അലേര്ട്ട് പിന്വലിച്ചു. നേരത്തേ അതിതീവ്രമഴയുണ്ടാവുമെന്ന മുന്നറിയിപ്പിനെ തുടര്ന്ന് ഇടുക്കി, പത്തനംതിട്ട, കോട്ടയം എന്നിവിടങ്ങളില് നൽകിയ റെഡ് അലര്ട്ട് ആണ് പിന്വലിച്ചത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര് ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. ബുധനാഴ്ച പത്തനംതിട്ട, ഇടുക്കി ജില്ലകളിലും വ്യാഴാഴ്ച ഇടുക്കി, പാലക്കാട് ജില്ലകളില് റെഡ് അലര്ട്ട് പ്രഖ്യാപിച്ചിരുന്നു. അതിതീവ്ര മഴ മുന്നറിയിപ്പിനെത്തുടര്ന്ന് അടച്ച തൃശൂരിലെ അതിരപ്പിള്ളി, വാഴച്ചാല് വിനോദസഞ്ചാര കേന്ദ്രങ്ങള് തുറന്നു.
0 Comments