മകളുമായി സർക്കാർ ആശുപത്രിയിലെത്തിയ അമ്മയ്ക്ക് പാമ്പുകടിയേറ്റു.
പാലക്കാട്: മകളുമായി സർക്കാർ ആശുപത്രിയിൽ എത്തിയ അമ്മയെ പാമ്പ് കടിച്ചു. പുതുനഗരം കരിപ്പോട് സ്വദേശിനി ഗായത്രിക്കാണ് ചിറ്റൂർ താലൂക്ക് ആശുപത്രിയിൽ വെച്ച് പാമ്പ് കടിയേറ്റത്. ഇന്ന് രാവിലെയാണ് മകളുമായി ഗായത്രി ആശുപത്രിയിൽ എത്തിയത്. രാവിലെ 11 മണിക്കായിരുന്നു സംഭവം. ആശുപത്രിയിലെ സ്ത്രീകളുടെ വാർഡിൽ നിന്നാണ് പാമ്പുകടിയേറ്റത്. ഗായത്രിയെ പാലക്കാട് ജില്ലാ ആശുപത്രിയില് പ്രവേശിപ്പിച്ചു.
ഇന്നലെ രാത്രി ഗായത്രിയുടെ മകള്ക്ക് പനിയായി ഹോസ്പിറ്റലില് അഡ്മിറ്റ് ചെയ്തിരുന്നു. അതിനിടെ രാവിലെ മൂത്രം പരിശോധിക്കാന് ആവശ്യപ്പെട്ടു. അതിനിടെ തറയില് വീണ മൂത്രം തുടക്കാന് ചൂലെടുക്കാന് പോയ സമയത്താണ് ഗായത്രിയുടെ കയ്യില് പാമ്പ് കടിച്ചത്. അവിടെ പെരുച്ചാഴിയും എലിയും ഉള്പ്പെടെ ഉണ്ടെന്നും വൃത്തിഹീനമായ അവസ്ഥയാണെന്നും വാര്ഡ് മെമ്പര് ചൂണ്ടിക്കാട്ടി. സംഭവത്തില് ശക്തമായ നടപടി വേണമെന്നും ഗായത്രിയുടെ ബന്ധു പറഞ്ഞു. ഗായത്രിയുടെ ആരോഗ്യനില തൃപ്തികരമാണെന്നും ബന്ധു വ്യക്തമാക്കി.
0 Comments