പാലക്കാട്: ഊഞ്ഞാല് ആടുന്നതിനിടെ വസ്ത്രം കഴുത്തില് കുടുങ്ങി പത്ത് വയസ്സുകാരന് മരിച്ചു. ഇന്ന് രാവിലെ 11 മണിയോടെ നല്ലേപ്പിള്ളി പഞ്ചായത്ത് ഓഫീസിന് പുറകുവശത്തുള്ള വീട്ടിലായിരുന്നു സംഭവം. നല്ലേപ്പിള്ളി കറുപ്പുസ്വാമി, പ്രിയ ദമ്പതികളുടെ മകന് അഭിനവ് ആണ് മരിച്ചത്. ഊഞ്ഞാല് ആടുന്നതിനിടെ ബനിയന് കഴുത്തില് കുടുങ്ങുകയായിരുന്നു. ഈ സമയത്ത് സംഭവം വീട്ടുകാരുടെ ശ്രദ്ധയില്പെട്ടിരുന്നില്ല. അല്പം കഴിഞ്ഞ് കുട്ടി പിടയുന്നത് കണ്ട വീട്ടുകാര് ഉടന് തന്നെ സമീപത്തുള്ള ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പാലക്കാട് ജില്ലാ ആശുപത്രി മോര്ച്ചറിയിലേക്ക് മാറ്റി. പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കും.
0 Comments