സംസ്ഥാനത്ത് പച്ചക്കറി വിലയിൽ വൻവർദ്ധന: തിരിച്ചടിയായി കാലാവസ്ഥ വ്യതിയാനം.
തിരു.: സംസ്ഥാനത്ത് പച്ചക്കറി വിലയിൽ വൻവർദ്ധന. പല ഇനങ്ങൾക്കും വില ഇരട്ടിയിലധികമായി വർദ്ധിച്ചു. കഴിഞ്ഞ രണ്ടാഴ്ചയിൽ അധികമായി സംസ്ഥാനത്തെ പച്ചക്കറി വിലയിൽ വൻവർദ്ധനയാണ് ഉണ്ടാകുന്നത്. ഭൂരിഭാഗം പച്ചക്കറികൾക്കും വിപണയിൽ വില ഇരട്ടിയായി.
100 രൂപയിൽ താഴെയായിരുന്ന പയറിന്റെ വിലയാണ് ഏറ്റവും ഉയർന്നത്. കിലോയക്ക് 200 രൂപ വരെയായിട്ടുണ്ട് പലയിടങ്ങളിലും. പച്ചമുളക്, ഇഞ്ചി, വെളുത്തുള്ളി എന്നിവയ്ക്കും പൊള്ളുന്ന വിലയാണ്.
കാലാവസ്ഥയിലുണ്ടായ മാറ്റമാണ് പച്ചക്കറി വില ഉയരാനുള്ള പ്രധാന കാരണം. വേനൽ കടുത്തതിനെ തുടർന്ന് തമിഴ്നാട്ടിലും കർണാടകയിലും കൃഷി കുറഞ്ഞു. വിളവിനെയും വേനൽ ബാധിച്ചിരുന്നു. കടുത്ത വേനലിന് പിന്നാലെ മഴക്കാലം കൂടി ശക്തമായതോടെ പച്ചക്കറി വില ഇനിയും ഉയർന്നേക്കുമെന്നാണ് വ്യാപാരികൾ പറയുന്നത്.
0 Comments