ബിജെപി ആസ്ഥാനത്തേക്ക് ഡല്ഹി മുഖ്യമന്ത്രി അരവിന്ദ് കെജരിവാളിന്റെ നേതൃത്വത്തില് ആം ആദ്മി പാര്ട്ടി പ്രതിഷേധ മാര്ച്ച് നടത്തി.
ന്യൂഡല്ഹി: ബിജെപി ആസ്ഥാനത്തേക്ക് ഡല്ഹി മുഖ്യമന്ത്രി അരവിന്ദ് കെജരിവാളിന്റെ നേതൃത്വത്തില് ആം ആദ്മി പാര്ട്ടി നടത്തിയ പ്രതിഷേധ മാര്ച്ച് പൊലീസ് തടഞ്ഞു. ബിജെപി ഓഫീസിലേക്കുള്ള വഴി ബാരിക്കേഡ് വച്ച് തടഞ്ഞു. പ്രവര്ത്തകരോട് പിരിഞ്ഞു പോകണമെന്ന് പൊലീസ് ആവശ്യപ്പെട്ടെങ്കിലും സമരക്കാര് തയ്യാറായില്ല. ബാരിക്കേഡിന് മുന്നില് കെജരിവാളും പ്രവര്ത്തകരും കുത്തിയിരുന്നു പ്രതിഷേധിച്ചു.
പാര്ട്ടിയെ തകര്ക്കാന് ഓപ്പറേഷന് ചൂലിന് ബിജെപി ശ്രമം നടത്തുകയാണെന്നും ഒരു കെജരിവാളിനെ അറസ്റ്റ് ചെയ്താല് നൂറ് കേജ്രിവാളുമാര് ജന്മമെടുക്കുമെന്നും ഡൽഹി മുഖ്യമന്ത്രി പറഞ്ഞു. മാര്ച്ചിന് മുന്നോടിയായി ഡല്ഹിയില് 144 പ്രഖ്യാപിച്ചിരുന്നു. സമരത്തിന്റെ ഭാഗമായി ഐടിഒയിലെ മെട്രോ സ്റ്റേഷനുകള് അടച്ചു. ആം ആദ്മി പാര്ട്ടിയുടെ ആസ്ഥാനത്തിനു മുന്നില് കേന്ദ്രസേനയെ വിന്യസിച്ചിട്ടുണ്ട്. കെജരിവാള് സംസാരിക്കുന്നതിനിടെ അദ്ദേഹത്തിനെതിരെ സദസില് നിന്നും പ്രതിഷേധമുണ്ടായി. പ്രതിഷേധിച്ച ആളെ പ്രവര്ത്തകര് കയ്യേറ്റം ചെയ്തു. ഇയാളെ പൊലീസ് അറസ്റ്റ് ചെയ്തു നീക്കി.
അതേസമയം, മുഖ്യമന്ത്രി അരവിന്ദ് കെജരിവാളിന്റെ വീട്ടില് ഡല്ഹി പൊലീസ് എത്തി. സ്വാതി മലിവാളിന്റെ പരാതിയുമായി ബന്ധപ്പെട്ട അന്വേഷണത്തിനാണ് പൊലീസ് എത്തിയത്.
0 Comments