ലോക്സഭാ തെരഞ്ഞെടുപ്പ്; വോട്ടെണ്ണൽ നാളെ, രാവിലെ എട്ടിന് തുടങ്ങും.
ന്യൂ ഡൽഹി: ലോക്സഭ തെരഞ്ഞെടുപ്പിലെ വോട്ടെണ്ണല് നാളെ നടക്കും. രാവിലെ എട്ട് മണി മുതല് വോട്ടെണ്ണി തുടങ്ങും. ആദ്യം പോസ്റ്റല് ബാലറ്റുകളും പിന്നീട് ഇലക്ട്രോണിക് വോട്ടിംഗ് മെഷീനിലെ വോട്ടുകളുമാണ് എണ്ണുക. ആദ്യ മണിക്കൂറുകളില് തന്നെ ട്രെന്ഡ് വ്യക്തമാകും.
വോട്ടെണ്ണല് ദിനത്തിലെ ക്രമീകരണങ്ങള് വിശദമാക്കാന് തെരഞ്ഞെടുപ്പ് കമ്മീഷന് ഇന്ന് ഉച്ചക്ക് പന്ത്രണ്ടരക്ക് വാര്ത്താ സമ്മേളനം വിളിച്ചിട്ടുണ്ട്. വോട്ടെണ്ണലില് സുതാര്യത ആവശ്യപ്പെട്ട് ഐഎൻഡിഐഎ സഖ്യവും ഐഎൻഡിഐഎ സഖ്യത്തിനെതിരെ ബിജെപിയും നല്കിയ പരാതികളില് കമ്മീഷന് പ്രതികരിച്ചേക്കും.
അതേസമയം, രാജ്യത്ത് വീണ്ടും മോദി തരംഗമെന്നാണ് കഴിഞ്ഞ ദിവസം എക്സിറ്റ് പോള് ഫലങ്ങൾ പുറത്ത് വന്നത്. എന്ഡിഎ മൂന്നാമതും അധികാരത്തിലെത്തുമെന്നും, ബിജെപി ഒറ്റക്ക് ഭൂരിപക്ഷം നേടുമെന്നും ഭൂരിപക്ഷം സര്വേകളും പ്രവചിക്കുന്നു. ഐഎൻഡിഐഎ സഖ്യം ഇരുനൂറ് കടക്കില്ലെന്നും പ്രതിപക്ഷ നേതൃസ്ഥാനം കിട്ടിയേക്കുമെന്ന് കോണ്ഗ്രസിന് ആശ്വസിക്കാമെന്നും സര്വേകള് പ്രവചിക്കുന്നു. തെക്കേ ഇന്ത്യയിലും മികച്ച സാന്നിധ്യമായി ബിജെപി മാറാമെന്നും സര്വേകള് പ്രവചിക്കുന്നു.
0 Comments