ചങ്ങനാശ്ശേരിയിൽ വൻ ലഹരിമരുന്ന് വേട്ട.

ചങ്ങനാശ്ശേരിയിൽ വൻ ലഹരിമരുന്ന് വേട്ട.

ചങ്ങനാശ്ശേരി: തെങ്ങനെയിൽ വൻ ലഹരിമരുന്ന് വേട്ട. 52 ഗ്രാം ഹെറോയിൻ, 20 ഗ്രാം കഞ്ചാവ് എന്നിവയുമായി ഇതര സംസ്ഥാന തൊഴിലാളി എക്സൈസ് പിടിയിലായി. 35,000 രൂപയും ഇയാളിൽ നിന്ന് കണ്ടെടുത്തു. പശ്ചിമബംഗാൾ മാൾഡ ജില്ല സ്വദേശി കുത്തുബ്ഗൻജ് മുബാറക് അലി (37) ആണ് ലഹരി മരുന്നുമായി അറസ്റ്റിലായത്.

        ചങ്ങനാശ്ശേരി തെങ്ങണ മെഡിക്കൽ മിഷൻ ആശുപത്രിക്ക് സമീപം റോഡരികിൽ വച്ചാണ് മാരക ലഹരി മരുന്നായ ഹെറോയിനും കഞ്ചാവുമായി ഇയാൾ പിടിയിലായത്. പശ്ചിമ ബംഗാളിൽ നിന്ന് എത്തിച്ച ലഹരി വസ്തുക്കൾ ചെറുപൊതികൾ ആക്കിയാണ് ആവശ്യക്കാർക്ക് നൽകി വരുന്നത്. ഒരു പൊതിക്ക് 500 രൂപ നിരക്കിലാണ് ഇവർ വില്പന നടത്തിയിരുന്നതെന്നും എക്സൈസ് അധികൃതർ പറഞ്ഞു.

          തെങ്ങണയിൽ തൊഴിലാളി എന്ന പേരിൽ വാടകക്ക് വീട് എടുത്ത് താമസിച്ചു കൊണ്ടായിരുന്നു ഇവർ വില്പന നടത്തി വന്നിരുന്നത്. ചങ്ങനാശ്ശേരി കോടതിയിൽ പ്രതിയെ ഹാജരാക്കും.