മലപ്പുറം: പന്തല്ലൂരില് ഞാവല്പ്പഴം പറിക്കുന്നതിനിടെ മരത്തില് നിന്ന് വീണ് ഏഴാം ക്ലാസ് വിദ്യാര്ത്ഥി മരിച്ചു. പന്തല്ലൂര് കടമ്പോട് സ്വദേശിയായ അഹില് ഷാന് (13) ആണ് മരിച്ചത്. ചൊവ്വാഴ്ച രാവിലെ കൂട്ടുകാര്ക്കൊപ്പം ഞാവല്പ്പഴം പറിക്കാനായി മരത്തില് കയറിയ അഹില് ഷാന്, മരത്തിന്റെ ചില്ലയില് നിന്ന് അബദ്ധത്തില് കാല്വഴുതി നിലത്തേക്ക് വീഴുകയായിരുന്നു. വീഴ്ചയുടെ ആഘാതത്തില് ഗുരുതരമായി പരിക്കേറ്റ കുട്ടിയെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
പന്തല്ലൂര് കടമ്പോടിലെ ബിസ്മി ഡ്രൈവിങ് സ്കൂള് ജീവനക്കാരി പുളിക്കല് റുഷ്ദയുടെയും വെള്ളിള സ്വദേശി ജാഫറിന്റെയും മകനാണ് അന്തരിച്ച അഹില് ഷാന്. സ്കൂള് മധ്യവേനലവധിക്ക് തൊട്ടുമുന്പുള്ള ദിവസങ്ങളില് കുട്ടികള് കൂട്ടത്തോടെ പഴങ്ങള് പറിക്കാന് പോകുന്നതിനിടെയുണ്ടായ ഈ അപ്രതീക്ഷിത ദുരന്തം പന്തല്ലൂര് ഗ്രാമത്തെയും വിദ്യാലയത്തെയും ആകെ കണ്ണീരിലാഴ്ത്തിയിരിക്കുകയാണ്. ഇന്ക്വസ്റ്റ് നടപടികള്ക്ക് ശേഷം മൃതദേഹം പോസ്റ്റ്മോര്ട്ടത്തിനായി മഞ്ചേരി മെഡിക്കല് കോളേജ് ആശുപത്രിയിലേക്ക് മാറ്റി.
0 Comments