സംസ്ഥാനത്ത് നാലു പേർക്ക് മലമ്പനി സ്ഥിരീകരിച്ചു.
മലപ്പുറം; നാലു പേര്ക്ക് മലമ്പനി സ്ഥിരീകരിച്ചു. നിലമ്പൂരില് ഒരാള്ക്കും പൊന്നാനിയില് മൂന്നു പേര്ക്കുമാണ് മലമ്പനി സ്ഥിരീകരിച്ചത്. പൊന്നാനിയില് സ്ത്രീകള് ഉള്പ്പെടെ മൂന്നു പേര്ക്കും നിലമ്പൂരില് ഒഡീഷാ സ്വദേശിയാ തൊഴിലാളിക്കുമാണ് രോഗം സ്ഥിരീകരിച്ചത്.
നഗരസഭയുടേയും ആരോഗ്യ വകുപ്പിന്റേയും നേതൃത്വത്തില് പ്രദേശത്ത് ഊര്ജ്ജിത പ്രതിരോധ പ്രവര്ത്തനങ്ങള് ആരംഭിച്ചിട്ടുണ്ട്. ആരോഗ്യ പ്രവര്ത്തകര്, വെക്ടര് കണ്ട്രോള് യൂണിറ്റ്, ആശാപ്രവര്ത്തകര് തുടങ്ങിയവരെ പ്രത്യേക സംഘങ്ങളാക്കി തിരിച്ചാണ് പ്രതിരോധ പ്രവര്ത്തനം. കൂടുതല് രോഗബാധിതരുണ്ടോ എന്നറിയാന് ഗൃഹസന്ദര്ശന സര്വേയും നടത്തുന്നുണ്ട്. രാത്രിയില് കൊതുകുവല ഉപയോഗിക്കാനും കൊതുക് നശീകരണ സാമഗ്രികള് ഉപയോഗിക്കാനും ശ്രദ്ധിക്കണമെന്ന് ആരോഗ്യവകുപ്പ് അറിയിച്ചു. ഒരു മാസത്തിനുള്ളില് പനി ബാധിച്ചവര് സര്ക്കാര് ആശുപത്രിയില് രക്തപരിശോധന നടത്തണമെന്നും നിര്ദ്ദേശമുണ്ട്.
0 Comments