നാളെ വൈകിട്ട് വരെ അതിതീവ്ര മഴ: ജില്ലകളിൽ കണ്ട്രോൾ റൂമുകൾ തുറന്നു, ദുരിതാശ്വാസ ക്യാമ്പുകൾ സജ്ജമെന്ന് മന്ത്രി കെ. രാജൻ.
തിരു.: സംസ്ഥാനത്ത് നാളെ വൈകിട്ട് വരെ അതിതീവ്ര മഴ മുന്നറിയിപ്പുണ്ടെന്നും എല്ലാ താലൂക്ക് ഓഫീസുകളിലും കൺട്രോൾ റൂമുകളും ദുരിതാശ്വാസ കേന്ദ്രങ്ങളും തുറക്കാൻ നിർദ്ദേശം നൽകിയിട്ടുണ്ടെന്നും റവന്യു മന്ത്രി കെ. രാജൻ പറഞ്ഞു.
24 മണിക്കൂറും പ്രവര്ത്തിക്കുന്ന കണ്ട്രോള് റൂമുകളാണ് ജില്ലകളില് തുറന്നിനിട്ടുള്ളത്. എന്ഡിആര്എഫ് സംഘങ്ങളും സജ്ജമാണ്. മലയോര മേഖലകളിലേക്കുള്ള യാത്രാനിരോധനം ആവശ്യമുണ്ടെങ്കില് നടപ്പാക്കാൻ കളക്ടര്മാര്ക്ക് നിര്ദ്ദേശം നല്കിയിട്ടുണ്ട്.
ആറു ലക്ഷത്തിലധികം പേരെ മാറ്റി പാര്പ്പിക്കാനുള്ള ക്യാമ്പുകള് സജ്ജമാക്കിയിട്ടുണ്ട്. മഴ ഏതെങ്കിലും തരത്തിലുള്ള വിനോദത്തിന്റെ അവസരമായി കണക്കാക്കരുത് എന്നാണ് ജനങ്ങളോട് പറയാനുള്ളത്. ആത്മവിശ്വാസത്തിലാണെങ്കിലും ജലാശയത്തില് ഇറങ്ങരുതെന്നും മലയോര മേഖലയില് യാത്ര ചെയ്യുമ്പോള് ജാഗ്രത പാലിക്കണമെന്നും മന്ത്രി പറഞ്ഞു.
0 Comments