സംസ്ഥാനത്ത് വൈദ്യുതി നിയന്ത്രണം ആവശ്യമായി വന്നേക്കാമെന്ന് കെഎസ്ഇബി.
തിരു.: സംസ്ഥാനത്ത് വൈദ്യുതി നിയന്ത്രണം ആവശ്യമായി വന്നേക്കാമെന്ന് കെഎസ്ഇബി. വൈദ്യുതി ആവശ്യകതയില് വന്ന വലിയ വര്ദ്ധനവും ഝാര്ഖണ്ഡിലെ മൈത്തോണ് വൈദ്യുതനിലയത്തിലെ ജനറേറ്റര് തകരാറിലായതിനെ തുടര്ന്ന് ലഭിക്കേണ്ട വൈദ്യുതിയില് വന്ന അവിചാരിതമായ കുറവുമാണ് കാരണം.
പീക്ക് സമയത്ത് (വൈകിട്ട് ഏഴുമണി മുതല് രാത്രി 11 വരെ) വൈദ്യുതി ലഭ്യതയില് 500 മെഗാവാട്ട് മുതല് 650 മെഗാവാട്ട് വരെ കുറവ് പ്രതീക്ഷിക്കുന്നതായി കെഎസ്ഇബി അറിയിച്ചു. പവര് എക്സ്ചേഞ്ച് മാര്ക്കറ്റിലെ വൈദ്യുതി ലഭ്യതയുടെ പരിമിതി കണക്കിലെടുത്ത് കുറവ് നിറവേറ്റുന്നതിനായി വൈദ്യുതി നിയന്ത്രണം ആവശ്യമായി വന്നേക്കാമെന്നും കെഎസ്ഇബി വ്യക്തമാക്കി. വൈകിട്ട് ഏഴ് മണി മുതല് രാത്രി 11 വരെ വൈദ്യുതി ഉപഭോഗം പരമാവധി കുറച്ച് സഹകരിക്കണമെന്ന് അഭ്യര്ത്ഥിക്കുന്നതായും കെഎസ്ഇബി അറിയിച്ചു.
0 Comments