വയനാട് ദുരന്തത്തിൽ ജീവൻ പൊലിഞ്ഞവരുടെ ആത്മശാന്തിക്കായി പ്രാർത്ഥനകളോടെ ഡൽഹി മലയാളികൾ.
ന്യൂഡൽഹി: വയനാട് ഉരുൾപൊട്ടൽ ദുരന്തത്തിൽ ജീവൻ പൊലിഞ്ഞ സഹോദരങ്ങളുടെ ആത്മശാന്തിക്കായി പ്രാർത്ഥനകളോടെ ദീപം കൊളുത്താൻ ആർകെ പുരത്തെ ഡിഎംഎ സാംസ്കാരിക സമുച്ചയത്തിൽ നൂറുക്കണക്കിന് മലയാളികൾ ഒത്തുകൂടി. ദുരന്തത്തിൽ ആലംബഹീനരായ സഹോദരങ്ങൾക്ക് സാന്ത്വനമേകാൻ ഡൽഹി മലയാളി അസോസിയേഷന്റെ ആഭിമുഖ്യത്തിൽ വിളിച്ചു ചേർത്ത യോഗത്തിനു മുന്നോടിയായി ഒത്തുകൂടിയവർ ദീപം തെളിയിച്ച് പ്രാർത്ഥിച്ചു. ഡൽഹിയിലും എൻസിആർ മേഖലകളിലുമുള്ള വിവിധ മലയാളി സംഘടനകളുടെ ഭാരവാഹികൾ യോഗത്തിൽ പങ്കെടുത്തു.
ഡൽഹി മലയാളി അസോസിയേഷൻ പ്രസിഡന്റ് കെ. രഘുനാഥ് അദ്ധ്യക്ഷത വഹിച്ചു. ഡിഎംഎ ജനറൽ സെക്രട്ടറി ടോണി കണ്ണമ്പുഴ സ്വാഗതം പറഞ്ഞു. ബാബു പണിക്കർ, ജോർജ്ജ് കള്ളിവയലിൽ, അഡ്വ. ദീപ ജോസഫ്, ജി. ശിവശങ്കരൻ, ജയരാജ് നായർ, സത്യബാലൻ, കെ.വി. ആന്റണി, അൽഹാൻ, ഷംസുദ്ദീൻ, അജിത് മഴുവാഞ്ചേരി, കെ.ജി. രഘുനാഥൻ നായർ, സി. കേശവൻ കുട്ടി, കല്ലറ മനോജ്, സജി പി. രാജ്, സവിതാ നാരായണൻ, പിരിയാട്ട് രവീന്ദ്രൻ, തമ്പി ജോർജ്ജ്, പ്രിൻസ് പി.പി., ഫിലിപ്പ്, സുരേഷ് നായർ തുടങ്ങിയവർ പ്രസംഗിച്ചു.
ഓൾ ഇന്ത്യാ മലയാളി അസോസിയേഷൻ, വൈക്കം സംഗമം, ഡിസ്ട്രെസ്സ് മാനേജ്മന്റ് കളക്റ്റീവ്, ഫരീദാബാദ് മലയാളി അസോസിയേഷൻ, ശ്രീനാരായണ കേന്ദ്ര, കൈരളി കൾച്ചറൽ വെൽഫെയർ (ഡൽഹി പോലീസ്), ചക്കുളത്തമ്മ സഞ്ജീവനി ആശ്രമം ചാരിറ്റബിൾ ട്രസ്റ്റ്, കേരള മുസ്ലിം വെൽഫെയർ അസോസിയേഷൻ, കൊയിലാണ്ടി കൂട്ടം, സെന്റ് അഗസ്റ്റിൻ ഫോറോന ചർച്ച് കരോൾ ബാഗ്, എസ്എൻഡിപി യോഗം ഡൽഹി യൂണിയൻ, എൻഎസ്എസ് ഡൽഹി, മൈത്രി, പാലക്കാടൻ കൂട്ടായ്മ, ശ്രീനാരായണ ഗുരു ത്രിഫ്റ്റ് & ക്രെഡിറ്റ് സൊസൈറ്റി, ഡൽഹി മുത്തപ്പ സേവാ സമിതി, മാഗ്ന ഗ്രെയ്റ്റർ നോയിഡ, തുടങ്ങിയ സംഘടനകളുടെ പ്രതിനിധികൾ യോഗത്തിൽ പങ്കെടുത്തു. രക്ഷാധികാരിയായി ബാബു പണിക്കരും കൺവീനറായി ജയരാജ് നായരും ജോയിന്റ് കൺവീനർമാരായി അഡ്വ. ദീപാ ജോസഫ്, കെ.ജി. രഘുനാഥൻ നായർ, സി. ജയകുമാരൻ എന്നിവരെയും വിവിധ സംഘടനകളെ പ്രതിനിധികരിച്ച 12 പേരെ ചെ അംഗങ്ങളായി തെരെഞ്ഞെടുത്തുകൊണ്ട് ഭാവി പരിപാടികൾക്കായി കമ്മിറ്റി രൂപീകരിച്ചു. സംഘടനകൾ ഒരേ മനസോടെ പ്രവർത്തിച്ച് ധനസമാഹരണം നടത്തുവാനും സ്ഥിതിഗതികൾ ശാന്തമായ ശേഷം ആശ്രയമറ്റവരെ കണ്ടെത്തി അവരുടെ പുനരധിവാസത്തിനുള്ള സഹായങ്ങൾ നേരിട്ട് എത്തിക്കുവാനും തീരുമാനിച്ചു.
0 Comments