ബസ് യാത്രക്കാരനില് നിന്ന് സ്വര്ണ്ണം കവര്ന്ന കേസില് പ്രതികള് പിടിയില്.
കൊച്ചി: കെഎസ്ആര്ടിസി ബസ് യാത്രക്കാരനില് നിന്ന് ഒരു കോടി രൂപയോളം വില വരുന്ന സ്വര്ണ്ണം കവര്ന്ന കേസില് പ്രതികള് പിടിയില്. മൂന്ന് പേരാണ് പൊലീസിന്റെ പിടിയിലായത്. എറണാകുളം പള്ളുരുത്തി സ്വദേശികളായ നെല്ലിക്കല് ഹൗസില് നൗഫല് (34), പാറപ്പുറത്ത് ഹൗസില് നിസാര് (50), കോഴിക്കോട് കൊയിലാണ്ടി സ്വദേശി നാലേരി വീട്ടില് ജയാനന്ദന് (61) എന്നിവരാണ് അറസ്റ്റിലായത്. ബസ്സില് കയറി സ്ഥിരം മോഷണം നടത്തുന്നവരാണ് പ്രതികളെന്ന് പൊലീസ് പറഞ്ഞു. ബസില് നിന്ന് കവര്ന്ന സ്വര്ണ്ണം പ്രതികളില് നിന്ന് കണ്ടെത്തിയിട്ടുണ്ട്.
കഴിഞ്ഞ ശനിയാഴ്ച കോഴിക്കോട്ട് നിന്നും നെടുങ്കണ്ടത്തേക്ക് പോവുകയായിരുന്ന കെഎസ്ആര്ടിസി ബസിലായിരുന്നു കവര്ച്ച. തിരൂരിലുള്ള ജ്വല്ലറിയില് മോഡല് കാണിക്കുന്നതിനായി തൃശൂര് സ്വദേശികളായ ജ്വല്ലറി ഉടമകള് ജീവനക്കാരന്റെ കൈവശം കൊടുത്തുവിട്ട സ്വര്ണ്ണമാണ് മോഷ്ടിക്കപ്പെട്ടത്.
0 Comments