കള്ളാടി മണ്ണിടിച്ചിലിൽ മരണസംഖ്യ അഞ്ചായി; രക്ഷപ്പെടുത്തിയ ഒമ്പത് പേർ ആശുപത്രിയിൽ.

കള്ളാടി മണ്ണിടിച്ചിലിൽ മരണസംഖ്യ അഞ്ചായി; രക്ഷപ്പെടുത്തിയ ഒമ്പത് പേർ ആശുപത്രിയിൽ. 

വയനാട്: മേപ്പാടിയ്ക്ക് സമീപം കള്ളാടി തുരങ്കപാതാ നിർമ്മാണമേഖലയിലുണ്ടായ മണ്ണിടിച്ചിലിൽ മരണസംഖ്യ അഞ്ചായി. രക്ഷപ്പെടുത്തിയ ഒമ്പത് പേരെ ആശുപത്രിയിൽ പ്രവേശിപ്പിച്ചു. മണ്ണിനടിയിൽ ഇനിയും ആളുകൾ കുടുങ്ങിക്കിടക്കുന്നുണ്ടെന്നാണ് നിഗമനം. ദുരന്തത്തിന്റെ നടുക്കുന്ന ദൃശ്യങ്ങൾ പുറത്തുവന്നു. മണ്ണിടിച്ചിലിൽ അതിവേഗം പിന്നോട്ട് നീങ്ങിയ ടാങ്കർ ലോറിയ്ക്കിടയിൽ ആളുകൾ പെടുന്നതിന്റെയും

അത്ഭുതരകമായി രക്ഷപ്പെടുന്നതിന്റെയും ദൃശ്യങ്ങൾ പുറത്തു വന്നിരുന്നു.

       ഇന്ന് രാവിലെ പതിനൊന്നു മണിയോടെയാണ് നടുക്കിയ ദുരന്തം. മണ്ണും വെള്ളവും കുത്തിയൊലിച്ച് ബസും പാലവും മൂടുകയായിരുന്നു. കനത്ത മഴയിൽ തുരങ്കപാതയ്ക്കായി കൂട്ടിയിട്ട മണ്ണ് കുത്തിയൊലിച്ച് വരുകയായിരുന്നു. 

        സ്ഥലത്ത് രക്ഷാപ്രവർത്തനം തുടരുകയാണ്. എൻഡിആർഎഫ് സംഘങ്ങൾ സ്ഥലത്തെത്തി. ദുരന്തനിവാരണ അതോറിറ്റി ആസ്ഥാനത്ത് മുഖ്യമന്ത്രി വി.ഡി. സതീശന്റെ അദ്ധ്യക്ഷതയിൽ യോഗം ചേർന്ന് സ്ഥിതിഗതികൾ വിലയിരുത്തി.

മുഖ്യമന്ത്രിയുടെ നിർദ്ദേശപ്രകാരം മന്ത്രിമാരായ ടി. സിദ്ദിഖും എ.പി. അനിൽകുമാറും വയനാട്ടിലെത്തും. 

        വയനാട് ജില്ലയിൽ ശക്തമായ മഴ തുടരുകയാണ്. കള്ളാടി മണ്ണിടിച്ചിൽ ദുരന്തത്തിൽ അകപ്പെട്ടത് തുരങ്കം നിർമ്മാണത്തിനായി എത്തിയ അതിഥി തൊഴിലാളികളാണെന്നാണ് പ്രാഥമിക നിഗമനമെന്ന് മന്ത്രി കെ. മുരളീധരൻ പറഞ്ഞു.