ഇസ്രായേലിന്റെ ചരക്കുകപ്പൽ പിടിച്ചെടുത്ത് ഇറാൻ.

ടെഹ്‌റാൻ: ഇസ്രായേലിന്റെ ചരക്കുകപ്പൽ പിടിച്ചെടുത്ത് ഇറാൻ. ഹോർമുസ് കടലിടുക്കിനോട് ചേർന്നുള്ള സ്ഥലത്തുവെച്ച് എം.എസ്.സി. ഐറീസ് എന്ന കപ്പലാണ് പിടിച്ചെടുത്തത്. ഇസ്രായേലിനെതിരെ ആക്രമണമുണ്ടാകുമെന്ന മുന്നറിയിപ്പിനു പിന്നാലെയാണ് പുതിയ സംഭവവികാസം. ഇറാൻ വലിയ വിലകൊടുക്കേണ്ടി വരുമെന്ന് ഇസ്രായേൽ സൈനിക വക്താവ് മുന്നറിയിപ്പ് നൽകി. സ്ഥിതിഗതികൾ നിരീക്ഷിച്ചു വരികയാണെന്ന് യു.എസ്. സെൻട്രൽ കമാൻഡ് അറിയിച്ചു.

          ഇറാൻ തീരസേനയും റെവല്യൂഷനറി ഗാർഡും കപ്പൽ വളഞ്ഞ് കപ്പൽ തങ്ങളുടെ ജലാതിർത്തിയിലേക്ക് തിരിച്ചു വിടുകയായിരുന്നു. കമാൻഡോകൾ ഹെലികോപ്റ്ററിൽ കപ്പലിൽ ഇറങ്ങുന്ന ദൃശ്യങ്ങൾ അസോസിയേറ്റഡ് പ്രസ് പുറത്തുവിട്ടു. ഇറാൻസിൻ്റെ റവല്യൂഷനറി ഗാർഡൻ്റെ സയണിസ്റ്റ് ഭരണകൂടവുമായി ബന്ധപ്പെട്ട കണ്ടെയ്‌നർ കപ്പൽ പിടിച്ചെടുത്തതായി ഇറാൻസിൻ്റെ വാർത്താ ഏജൻസിയായ ഇർന റിപ്പോർട്ട് ചെയ്തു. എം.എസ്.സി. ഏരീസ് എന്ന കണ്ടെയ്‌നർ കപ്പൽ ഹെലിബോൺ ഓപ്പറേഷൻ നടത്തി സെപാ (ഗാർഡ്‌സ്) നേവി സ്‌പെഷ്യൽ ഫോഴ്‌സ് പിടിച്ചെടുത്തു. ഹോർമൂസ് കടലിടുക്കിന് സമീപമായിരുന്നു ഓപ്പറേഷൻ. ഈ കപ്പൽ ഇപ്പോൾ ഇറാൻ്റെ ജലാതിർത്തിയിലേക്ക് തിരിച്ചിരിക്കുന്നു - ഇർനയുടെ റിപ്പോർട്ടിൽ പറയുന്നു. ലണ്ടൻ ആസ്ഥാനമായ സോഡിയാക് മാരിടൈമുമായി ബന്ധപ്പെട്ടതാണ് ഈ കപ്പൽ.