ഇരട്ട ഷോക്ക് !: വൈദ്യുതി നിയന്ത്രണത്തിന് പിന്നാലെ സർചാർജ് വർദ്ധനയും.
തിരു.: സംസ്ഥാനത്ത് വൈദ്യുതി ഉപയോഗം കുറക്കുന്നതിനുള്ള പ്രാദേശിക നിയന്ത്രണം തുടരുന്നതിനിടെ ഉപഭോക്താക്കൾക്ക് ഇരുട്ടടിയായി ഇന്ധന സർചാർജ് വർദ്ധിപ്പിച്ചു. നേരത്തേയുള്ള 9 പൈസ 19 പൈസയാക്കിയാണ് വർദ്ധിപ്പിച്ചത്. ഇതോടെ മേയിലെ ബില്ലിൽ സർചാർജ് 19 പൈസയാവും. ഒമ്പത് പൈസക്ക് പുറമേ, 10 പൈസകൂടി ഇന്ധന സർചാർജ് ഇനത്തിൽ ഈടാക്കാനാണ് റെഗുലേറ്ററി കമീഷൻ അനുവാദമുള്ളത്. ഇതിനു പുറമേ, ഈ വേനൽക്കാലത്ത് പുറത്തുനിന്നും വൈദ്യുതി വാങ്ങിയതിന്റെ നഷ്ടം നികത്താനുള്ള സർചാർജും വൈകാതെ ഉപഭോക്താക്കൾ നൽകേണ്ടിവരും. ഈയിനത്തിൽ കൂടുതൽ തുക സർചാർജായി കെഎസ്ഇബി റെഗുലേറ്ററി കമ്മീഷനോട് ആവശ്യപ്പെടാനാണ് സാധ്യത.
0 Comments