ചെന്നൈ: നരേന്ദ്രമോദിയുടെ നേതൃത്വത്തിലുള്ള മൂന്നാമത്തെ എന്ഡിഎ സര്ക്കാരിന്റെ ഞായറാഴ്ച നടക്കുന്ന സത്യപ്രതിജ്ഞയ്ക്ക് വന്ദേഭാരത് എക്സ്പ്രസിന്റെ ലോക്കോ പൈലറ്റിന് ക്ഷണം. അങ്കമാലി മൂഴിക്കുളം സ്വദേശിയായ ഐശ്വര്യ എസ്. മേനോനാണ് ക്ഷണം ലഭിച്ചത്. ചടങ്ങില് ഐശ്യര്യ പങ്കെടുക്കുമെന്ന് ദക്ഷിണ റെയില്വേ അറിയിച്ചു.
ചടങ്ങിലേക്ക് പത്ത് ലോക്കോ പൈലറ്റുമാര്ക്കാണ് ക്ഷണമുള്ളത്. ചെന്നൈ ഡിവിഷനിലെ സീനിയര് അസിസ്റ്റന്റ് ലോക്കോ പൈലറ്റാണ് ഐശ്വര്യ. മികച്ച പ്രവര്ത്തനത്തിന് നിരവധി തവണ റെയില്വേയുടെ അംഗീകാരവും ഐശ്വര്യക്ക് ലഭിച്ചിട്ടുണ്ട്.
മൂന്നാര് കോളജ് ഓഫ് എന്ജിനിയറിങില് നിന്ന് വിദ്യാഭ്യാസം പൂര്ത്തിയാക്കിയാണ് 2019ല് ദക്ഷിണ റെയില്വേയിൽ ചേര്ന്നത്. വന്ദേഭാരത് എക്സ്പ്രസ് ആരംഭിച്ചതു മുതല് ചെന്നൈ-വിജയവാഡ, ചെന്നൈ-കോയമ്പത്തൂര് റൂട്ടിലെ ട്രെയിനുകളാണ് ഓടിക്കുന്നത്.
0 Comments