സിപിഐയുടെ രാജ്യസഭാ സ്ഥാനാർത്ഥിയായി പി.പി. സുനീർ മത്സരിക്കും.
തിരു.: സിപിഐയുടെ രാജ്യസഭാ സ്ഥാനാർത്ഥിയായി പി.പി. സുനീർ മത്സരിക്കും. സിപിഐ എക്സിക്യൂട്ടീവ് യോഗത്തില് വച്ചായിരുന്നു സ്ഥാനാർത്ഥിയെ നിശ്ചയിച്ചത്.
വയനാട് സിപിഐയുടെ മുൻ ജില്ലാ അദ്ധ്യക്ഷനായിരുന്നു. നേരത്തെ ലോക്സഭാ തെരഞ്ഞെടുപ്പില് വയനാട്ടിലും പൊന്നാനിയിലുമടക്കം മത്സരിച്ചിരുന്നു. വലിയ ഉത്തരവാദിത്വമാണ് പാർട്ടി ഏല്പ്പിച്ചിരിക്കുന്നതെന്നും കൃത്യമായി നിർവ്വഹിക്കുമെന്നും പി.പി. സുനീർ പ്രതികരിച്ചു. സിപിഐ മുതിർന്ന നേതാവ് ആനി രാജ, പ്രകാശ് ബാബു അടക്കമുള്ളവരുടെ പേര് സിപിഐയുടെ ഭാഗത്ത് നിന്ന് ഉയർന്നു കേട്ടിരുന്നുവെങ്കിലും അവസാനം പി.പി. സുനീറിലേക്ക് സ്ഥാനാർത്ഥി നിർണ്ണയം എത്തുകയായിരുന്നു.
പൊന്നാനി സ്വദേശിയായ സുനീർ നിലവിൽ സിപിഐ സംസ്ഥാന അസി. സെക്രട്ടറിയാണ്. കൂടാതെ ഹൗസിങ് ബോര്ഡ് വൈസ് ചെയർമാനുമാണ്. പൊന്നാനി, വയനാട് മണ്ഡലങ്ങളില് നിന്ന് ലോക്സഭയിലേക്ക് മത്സരിച്ചിട്ടുണ്ട്. പാർട്ടിയില് കാനം രാജേന്ദ്രന്റെ വിശ്വസ്ഥനായിരുന്ന സുനീർ സിപിഐ മലപ്പുറം ജില്ലാ സെക്രട്ടറിയായും പ്രവർത്തിച്ചിട്ടുണ്ട്.
0 Comments