ലോക്സഭ തെരഞ്ഞെടുപ്പ്; സംസ്ഥാനത്ത് 290 സ്ഥാനാര്ത്ഥികള് നാമനിര്ദ്ദേശപത്രിക സമര്പ്പിച്ചു.
തിരു.:ലോക്സഭ തെരഞ്ഞെടുപ്പിന് നാമനിര്ദ്ദേശ പത്രിക സമര്പ്പിക്കുന്നതിനുള്ള സമയപരിധി സംസ്ഥാനത്ത് അവസാനിച്ചപ്പോൾ, 20 ലോക്സഭാ മണ്ഡലങ്ങളിലായി 290 സ്ഥാനാര്ത്ഥികള് നാമനിര്ദ്ദേശ പത്രികകൾ സമര്പ്പിച്ചതായി മുഖ്യതിരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു.
ആകെ 499 പത്രികകള് ഇതുവരെ ലഭിച്ചിചിട്ടുണ്ട്. ഇന്ന് നാമനിര്ദ്ദേശ പത്രികകളുടെ സൂക്ഷ്മപരിശോധന നടക്കും. ഏപ്രില് എട്ടിന് നാമനിര്ദ്ദേശ പത്രിക പിന്വലിക്കുന്നതിനുള്ള സമയപരിധി അവസാനിക്കും. അതോടെ അന്തിമ സ്ഥാനാര്ത്ഥി പട്ടികയ്ക്ക് രൂപമാകും.
ഇതുവരെ നാമനിര്ദ്ദേശ പത്രിക സമര്പ്പിച്ചിട്ടുള്ള സ്ഥാനാര്ത്ഥികളുടെ മണ്ഡലം തിരിച്ചുള്ള വിവരവും തെരഞ്ഞെടുപ്പ് കമ്മീഷൻ പുറത്തുവിട്ടു. തിരുവനന്തപുരം 22, ആറ്റിങ്ങല് 14, കൊല്ലം 15, പത്തനംതിട്ട 10, മാവേലിക്കര 14, ആലപ്പുഴ 14, കോട്ടയം 17, ഇടുക്കി 12, എറണാകുളം 14, ചാലക്കുടി 13, തൃശൂര് 15, ആലത്തൂര് 8, പാലക്കാട് 16, പൊന്നാനി 20, മലപ്പുറം 14, കോഴിക്കോട് 15, വയനാട് 12, വടകര 14, കണ്ണൂര് 18, കാസര്കോട് 13 എന്നിങ്ങനെയാണ് ഓരോ മണ്ഡലങ്ങളിലേയും സ്ഥാനാർത്ഥികളുടെ എണ്ണം. ഇതുവരെ ഏറ്റവുമധികം സ്ഥാനാര്ത്ഥികള് പത്രിക സമര്പ്പിച്ചത് തിരുവനന്തപുരം മണ്ഡലത്തിലാണ് -22. ഏറ്റവും കുറവ് ആലത്തൂര്- 8.
മാര്ച്ച് 28നാണ് സംസ്ഥാനത്ത് നാമനിര്ദ്ദേശ പത്രികാ സമര്പ്പണം തുടങ്ങിയത്. പത്രിക സമര്പ്പണത്തിന്റെ അവസാന ദിവസമായ ഇന്നലെ 252 നാമനിർദ്ദേശ പത്രികകളാണ് ലഭിച്ചത്.
0 Comments