ലോക്സഭാ തെരഞ്ഞെടുപ്പ്: പ്രചാരണത്തിനായി പ്രധാനമന്ത്രി ഇന്നും രാഹുൽ ഗന്ധി നാളെയും കേരളത്തിലെത്തും.

ലോക്സഭാ തെരഞ്ഞെടുപ്പ്: പ്രചാരണത്തിനായി പ്രധാനമന്ത്രി ഇന്നും രാഹുൽ ഗന്ധി നാളെയും  കേരളത്തിലെത്തും.

കൊച്ചി: ലോക്സഭാ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി ഇന്നും രാഹുൽ ഗന്ധി നാളെയും  കേരളത്തിലെത്തും.

        രാത്രി എട്ടുമണിയോടെ നെടുമ്പാശ്ശേരിയില്‍ ഇറങ്ങുന്ന പ്രധാനമന്ത്രി നരേന്ദ്ര മോദി ഹെലികോപ്ടർ മാർഗ്ഗം കൊച്ചി നാവികസേനാ താവളത്തിലെത്തും. എറണാകുളം ഗസ്റ്റ് ഹൗസില്‍ രാത്രി തങ്ങിയശേഷം തിങ്കളാഴ്ച രാവിലെ ആലത്തൂർ മണ്ഡലത്തിലെ കുന്നംകുളത്തേക്ക് പ്രചാരണത്തിനായി പോകും. ഇവിടുത്തെ റോഡ് ഷോയ്ക്കും പ്രസംഗത്തിനു ശേഷം ആറ്റിങ്ങല്‍ മണ്ഡലത്തിലെ കാട്ടാക്കടയിലാണ് രണ്ടാമത്തെ പ്രചാരണ പരിപാടി.

       തെരഞ്ഞെടുപ്പ് പ്രചാരണ പരിപാടികള്‍ക്കായി വയനാട്ടിലെ യുഡിഎഫ് സ്ഥാനാർത്ഥി രാഹുല്‍ ഗാന്ധി നാളെ കേരളത്തിലെത്തും. വൈകിട്ട് ആറിന് കോഴിക്കോട് സംഘടിപ്പിക്കുന്ന യുഡിഎഫിന്‍റെ മഹാറാലിയില്‍ പങ്കെടുക്കുന്ന അദ്ദേഹം 15, 16 തീയതികളില്‍ വയനാട്ടിലുണ്ടാകും. 18ന് രാവിലെ കണ്ണൂരും അന്ന് വൈകുന്നേരം മൂന്നിന് പാലക്കാടും അഞ്ചുമണിക്ക് കോട്ടയത്തും സമ്മേളനങ്ങളില്‍ പങ്കെടുക്കും. 22ന് തൃശ്ശൂരിലും തിരുവനന്തപുരത്തും ആലപ്പുഴയിലും പ്രചാരണപരിപാടികളില്‍ പങ്കെടുക്കും.