പ്ലസ് വണ് പ്രവേശനം: നേറ്റിവിറ്റിയും ജാതിയും തെളിയിക്കുന്നതിന് എസ്എസ്എല്സി സര്ട്ടിഫിക്കറ്റ് മതി.
എറണാകുളം: പ്ലസ് വണ് പ്രവേശനത്തിനായി നേറ്റിവിറ്റിയും ജാതിയും തെളിയിക്കുന്നതിന് എസ്എസ്എല്സി സര്ട്ടിഫിക്കറ്റ് മതിയെന്ന് എറണാകുളം ജില്ലാ കലക്ടര് അറിയിച്ചു. ഹയര് സെക്കന്ഡറി ഒന്നാം വര്ഷ പ്രവേശനത്തിന്റെ ആവശ്യത്തിനായി എന്ന രീതിയില് നേറ്റിവിറ്റി, ജാതി, വരുമാന സര്ട്ടിഫിക്കറ്റുകള്ക്ക് ധാരാളം അപേക്ഷകള് അക്ഷയ കേന്ദ്രങ്ങള് മുഖേന വില്ലേജ് ഓഫീസുകളില് ലഭിക്കുന്നതായി ശ്രദ്ധയില്പ്പെട്ടിട്ടുണ്ടെന്നും പ്ലസ് വണ് പ്രവേശനത്തിന് നേറ്റിവിറ്റിയും ജാതിയും തെളിയിക്കുന്നതിന് എസ്എസ്എല്സി സര്ട്ടിഫിക്കറ്റ് മതിയാകുമെന്നും കലക്ടര് ഫേസ്ബുക്ക് പോസ്റ്റിലൂടെ അറിയിച്ചു.
പട്ടികജാതി/ പട്ടികവര്ഗ്ഗ/ ഒഇസി വിദ്യാര്ത്ഥികള് മാത്രമേ പ്രവേശന സമയത്ത് വില്ലേജ് ഓഫീസില് നിന്നുള്ള ജാതി സര്ട്ടിഫിക്കറ്റുകള് ഹാജരാക്കേണ്ടതുള്ളൂ. ഇതുമായി ബന്ധപ്പെട്ട് തെറ്റായ വിവരങ്ങള് പ്രചരിക്കുന്നതിനെതിരേ പൊതുജനങ്ങള് ജാഗ്രത പാലിക്കണമെന്നും അറിയിപ്പിലുണ്ട്.
0 Comments