വീട് പൊളിക്കുന്നതിനിടെ കോൺക്രീറ്റ് ബീം വീണ് തൊഴിലാളി മരിച്ചു.
ചങ്ങനാശ്ശേരി: വീട് പൊളിക്കുന്നതിനിടെ കോൺക്രീറ്റ് ബീം വീണ് ഇതര സംസ്ഥാന തൊഴിലാളി മരിച്ചു. കാക്കാംതോട് പുതുപ്പറമ്പിൽ പി.സി. ജയിംസിൻ്റെ വീട് പൊളിച്ചു നീക്കുന്നതിനിടെയാണ് വൈകുന്നേരം അഞ്ചുമണിയോടെ അപകടം നടന്നത്. ബീഹാർ സ്വദേശി ജിതന്ദർ (29) ആണ് മരിച്ചത്. പൊളിച്ചുനീക്കുന്നതിനിടെ കോൺക്രീറ്റ് ബീം തൊഴിലാളികളുടെ മുകളിലേക്ക് പതിക്കുകയായിരുന്നു. ജിതന്ദർ സംഭവസ്ഥലത്തു തന്നെ മരിച്ചു. കൂടെ ജോലി ചെയ്തിരുന്ന ഇതരസംസ്ഥാന തൊഴിലാളികളായ
രമേഷ് റാവു, ശിഷിൻ നാഥ് എന്നിവർക്ക് ഗുരുതരമായി പരിക്കേറ്റു. ഇവരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ചങ്ങനാശേരി പൊലീസും അഗ്നിരക്ഷാസേനയും നാട്ടുകാരും ചേർന്ന് മണ്ണുമാന്തി യന്ത്രം എത്തിച്ച് ബീം ഉയർത്തി തൊഴിലാളികളെ പുറത്തെടുക്കുകയായിരുന്നു.
0 Comments