നിരക്കുവർദ്ധന ആവശ്യപ്പെട്ട് ഓണ്‍ലൈൻ ടാക്സി ഡ്രൈവർമാർ സമരത്തിലേക്ക്.

നിരക്കുവർദ്ധന ആവശ്യപ്പെട്ട് ഓണ്‍ലൈൻ ടാക്സി ഡ്രൈവർമാർ സമരത്തിലേക്ക്.

കൊച്ചി: നിരക്കുവർദ്ധന ആവശ്യപ്പെട്ട് സംസ്ഥാനത്ത് ഓണ്‍ലൈൻ ടാക്സി ഡ്രൈവർമാർ ചൊവ്വാഴ്ച മുതല്‍ സമരത്തിലേക്ക്. ഊബർ, ഓല, റാപിഡോ, കേരള സവാരി തുടങ്ങിയ ഓണ്‍ലൈൻ പ്ലാറ്റ്ഫോമുകളിലെ ഡ്രൈവർമാരാണ് അനിശ്ചിതകാല സമരം പ്രഖ്യാപിച്ചത്.

       നിരക്ക് പരിഷ്കരണത്തിനു പുറമെ ഡ്രൈവർമാരുടെ ക്ഷേമം, നിയമവിരുദ്ധ ബൈക്ക് ടാക്സി അവസാനിപ്പിക്കല്‍ ഉള്‍പ്പെടെ 11 ആവശ്യങ്ങളും സമരത്തിന്റെ ഭാഗമായി ഉയർത്തിയിട്ടുണ്ട്. 1000 രൂപയ്ക്ക് ഓട്ടം കിട്ടിയാല്‍ 500 രൂപ കമ്പനി എടുക്കുന്ന സ്ഥിതിയാണെന്ന് ഓള്‍ കേരള ഓണ്‍ലൈൻ ഡ്രൈവേഴ്സ് യൂണിയൻ നേതാക്കള്‍ ആരോപിച്ചു. ഇന്ധനവില വർദ്ധനയോടെ ടാക്സി ഓടുന്നത് വലിയ നഷ്ടത്തിലുമാണ്. ഇതിനൊപ്പം ഇരട്ടി കമ്മീഷനും കൂടിയാകുമ്പോള്‍ ജീവിക്കാൻ വഴിയില്ലാത്ത സ്ഥിതിയാണെന്നും അവർ ചൂണ്ടിക്കാട്ടി.