തിരു.: പത്തനംതിട്ട, കോട്ടയം, ഇടുക്കി, ജില്ലകളില് ഈ മാസം 22 വരെ റെഡ് അലര്ട്ട് പ്രഖ്യാപിച്ച് കേന്ദ്ര കാലാവസ്ഥ വകുപ്പ്. കോഴിക്കോട്, മലപ്പുറം, പാലക്കാട്, തൃശൂര്, എറണാകുളം, ആലപ്പുഴ, കൊല്ലം, തിരുവനന്തപുരം ജില്ലകളില് ഓറഞ്ച് അലര്ട്ടും കാസര്കോട്, കണ്ണൂര്, വയനാട് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
തെക്കന് തീരദേശ തമിഴ്നാടിനു മുകളിലായി ചക്രവാതച്ചുഴി നിലനില്ക്കുന്നു. തെക്കന് തീരദേശ തമിഴ്നാടിനു മുകളില് നിന്ന് വടക്കന് കര്ണാടക വരെ ന്യൂനമര്ദ്ദപ്പാത്തിയും രൂപപ്പെട്ടിട്ടുണ്ട്. വടക്കന് കേരളത്തിന് മുകളിലായി മറ്റൊരു ചക്രവാതച്ചുഴിയും നിലനില്ക്കുന്നു. ഇതിന്റെ ഫലമായി സംസ്ഥാനത്ത് അടുത്ത അഞ്ച് ദിവസം ഇടി/മിന്നല്/കാറ്റോടു കൂടിയ മിതമായ/ഇടത്തരം മഴക്ക് സാധ്യതയുണ്ട്. ഒറ്റപ്പെട്ട സ്ഥലങ്ങളില് 22 വരെ അതിതീവ്രമായ മഴയ്ക്കും, 24 വരെ ഒറ്റപ്പെട്ട സ്ഥലങ്ങളില് ശക്തമായ/അതിശക്തമായ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
പത്തനംതിട്ട ജില്ലയിലെ എല്ലാ മലയോര മേഖലകളിലേക്കുമുള്ള രാത്രിയാത്രകള്ക്കുള്ള വിലക്ക് 23 വരെ തുടരും. കോട്ടയം, ഇടുക്കി ജില്ലകളിലും മലയോര മേഖലകളിലേക്കുള്ള യാത്രയ്ക്ക് വിലക്കുണ്ട്. രാത്രി ഏഴു മുതല് രാവിലെ ആറു വരെയാണ് യാത്രാ വിലക്ക്.
0 Comments