ഛത്തീസ്ഗഢിൽ വീരമൃത്യു വരിച്ച ജവാന്റെ മൃതദേഹം നാട്ടിലെത്തിച്ചു. സംസ്കാരം ഇന്ന്.
തിരു.: ഛത്തീസ്ഗഢിലെ മാവോയിസ്റ്റ് ആക്രമണത്തില് വീരമൃത്യു വരിച്ച മലയാളി ജവാന് ആര്. വിഷ്ണുവിന്റെ മൃതദേഹം ജന്മനാട്ടിലെത്തിച്ചു. ഇന്ന് ഉച്ചയ്ക്കാണ് സംസ്കാരം.
ഇന്ന് പുലർച്ചെ ഒന്നരയോടെ തിരുവനന്തപുരം വിമാനത്താവളത്തിൽ എത്തിച്ച മൃതദേഹം, മേയർ ആര്യ രാജേന്ദ്രൻ, കല്പറ്റ എംഎൽഎ ടി. സിദ്ദിഖ് എന്നിവർ ചേർന്ന് ഏറ്റുവാങ്ങി. പാങ്ങോട് സൈനിക കേന്ദ്രത്തിലെ മോർച്ചറിയിൽ എത്തിച്ച ശേഷം മൃതദേഹം പുലർച്ചയോടെ വിഷ്ണുവിന്റെ പാലോട് നന്ദിയോടുള്ള വീട്ടിൽ എത്തിച്ചു. രാവിലെ പത്ത് മണി വരെ വീട്ടിലും തുടര്ന്ന് നന്ദിയോട് ജംഗ്ഷനിലും വിഷ്ണു പഠിച്ച സ്കൂളിലും മൃതദേഹം പൊതുദര്ശനത്തിന് വച്ചു.
ഛത്തീസ്ഗഢിലെ സുക്മ ജില്ലയിലുണ്ടായ മാവോയിസ്റ്റ് ആക്രമണത്തിലാണ് വിഷ്ണു ഉള്പ്പെടെ രണ്ട് സി.ആര്.പി.എഫ്. ജവാന്മാര് വീരമൃത്യു വരിച്ചത്.
0 Comments