പുതിയ മന്ത്രിയായി ഒ.ആര്. കേളു സത്യപ്രതിജ്ഞ ചെയ്തു.
തിരു.: പുതിയ മന്ത്രിയായി ഒ.ആര്. കേളു സത്യപ്രതിജ്ഞ ചെയ്തു. രാജ്ഭവനിൽ നാല് മണിക്കാണ് സത്യപ്രതിജ്ഞ ചടങ്ങ് നടന്നത്.
വയനാട്ടില് നിന്ന് ബന്ധുക്കളും സുഹൃത്തുക്കളും കേളുവിൻ്റെ സത്യപ്രതിജ്ഞാ ചടങ്ങിനായി തിരുവനന്തപുരത്ത് എത്തിയിരുന്നു. മുഖ്യമന്ത്രി പിണറായി വിജയനും പ്രതിപക്ഷ നേതാവ് വി.ഡി. സതീശനും പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടിയും അടക്കമുള്ളവര് സത്യപ്രതിജ്ഞാ ചടങ്ങിൽ പങ്കെടുത്തു. ഗവര്ണ്ണര് ആരിഫ് മുഹമ്മദ് ഖാൻ കേളുവിന് സത്യവാചകം ചൊല്ലിക്കൊടുത്തു.
ആലത്തൂര് എംപിയായി ലോക്സഭയിലേക്ക് ജയിച്ച കെ. രാധാകൃഷ്ണൻ മന്ത്രിസ്ഥാനം രാജി വച്ചതോടെയാണ് ഒ.ആര്. കേളുവിനെ മന്ത്രിയാക്കാൻ സിപിഎം സംസ്ഥാന നേതൃത്വം തീരുമാനിച്ചത്. പട്ടികവര്ഗ്ഗ വിഭാഗത്തില് നിന്നുള്ള ആദ്യത്തെ സിപിഎം മന്ത്രിയാണ് ഇദ്ദേഹം. പിണറായി സര്ക്കാരില് വയനാട്ടില് നിന്നുള്ള ഏക ക്യാബിനറ്റ് അംഗം കൂടിയാണ് കേളു. മന്ത്രിയാകുമെന്ന പ്രഖ്യാപനം കേട്ടശേഷം നാട്ടിലേക്ക് മടങ്ങിയ കേളു, ഇന്ന് പുലര്ച്ചെയാണ് തിരുവനന്തപുരത്ത് തിരിച്ചെത്തിയത്. സത്യപ്രതിജ്ഞ കാണാന് കുടുംബവും കൂടെയെത്തി. വയനാട്ടില് നിന്ന് ബസിലും ട്രെയിനിലുമെല്ലാമായി ഏതാണ്ട് ഇരുനൂറോളം പേര് ചടങ്ങ് കാണാനെത്തി. മാനന്തവാടി എംഎല്യായ കേളുവിന് പട്ടികജാതി, പട്ടികവര്ഗ്ഗ വകുപ്പാണ് ലഭിക്കുക.
0 Comments