സര്ക്കാര് ജനകീയാരോഗ്യ കേന്ദ്രത്തില് നഴ്സിന് അണലിയുടെ കടിയേറ്റു.
പാലക്കാട്: ചാലിശ്ശേരി സര്ക്കാര് ജനകീയാരോഗ്യ കേന്ദ്രത്തില് നഴ്സിന് അണലിയുടെ കടിയേറ്റു. വക്കാട് സ്വദേശിനി മിസിരിയയ്ക്കാണ് അണലിയുടെ കടിയേറ്റത്. എസ്റ്റേറ്റ് പടിയില് പ്രവര്ത്തിക്കുന്ന ജനകീയ ആരോഗ്യ കേന്ദ്രത്തില് വെച്ച് ഡ്യൂട്ടിക്കിടെ ആയിരുന്നു സംഭവം.
വിഷപ്പാമ്പിന്റെ കടിയേറ്റ് ഗുരുതര അവസ്ഥയിലായ മിസിരിയയെ ആശുപത്രിയില് പ്രവേശിപ്പിച്ചിരിക്കുകയാണ്. പെരുമണ്ണൂര്, കൂറ്റനാട്, എസ്റ്റേറ്റ് പടി തുടങ്ങിയ സ്ഥലങ്ങളില് നിന്നായി നൂറുകണക്കിന് രോഗികള് ദിവസേന ചികിത്സ തേടിയെത്തുന്ന ആരോഗ്യ കേന്ദ്രത്തിലാണ് ദാരുണ സംഭവമുണ്ടായിരിക്കുന്നത്.
0 Comments